Name: ကူးပြောင်းလာသော အရိပ်သက်တော်စောင့်လေး၏ လမ်းလွဲသွားသော ရာထူးတိုးခရီးစဉ
Author: .

Summary

...

Description

ယိုရှုတစ်ယောက် ဝတ္ထုထဲသို့ ကူးပြောင်းလာခဲ့ပြီးနောက် အမျိုးသားဇာတ်လိုက်၏ အရိပ်သက်တော်စောင့် ဖြစ်လာခဲ့သည်။ သူကတော့ သူ့ကိုယ်သူ တိုင်းရေးပြည်ရေး အရှုပ်အထွေးများကြား အာဏာလုယှဉ်ပြိုင်နေကြသည့် ဇာတ်ညွှန်းထဲ ရောက်နေသည်ဟု ထင်မှတ်နေကာ၊ ဇာတ်လိုက်၏ခြေထောက်ကိုသာ မြဲမြဲမြံမြံ ဖက်တွယ်ထားရင်း ဘဝ၏ထိပ်ဆုံးနေရာသို့ ရောက်အောင် လျှောက်လှမ်းရန်သာ ကြံရွယ်ထား၏။

သူသည် အရှိန်အဝါကြီးလှသော ဇာတ်လိုက်၏အနားတွင်နေရင်း ထိုသူ အနောက်နန်းဆောင်တွင် မောင်းမမိဿံများနှင့် စည်ကားသိုက်မြိုက်စေခြင်း၊ တိုင်းပြည်ကို ပြန်လည်သိမ်းပိုက်ခြင်းတို့ လုပ်ဆောင်နေသည်အား အေးအေးလူလူ စောင့်ကြည့်နေရန်သာ စိတ်ကူးထားခြင်း ဖြစ်၏။ သို့သော်ငြား ဇာတ်လမ်းက မည်သို့မည်ပုံ လမ်းလွဲသွားခဲ့သည်မသိ….မြေရှင်ပဒေသရာဇ်ခေတ်၏ “ညီအစ်ကိုသံယောဇဉ်” ကြီးက ရုတ်ခြည်းဆိုသလို ပြောင်းလဲသွားခဲ့လေသည်။ သူ့မှာ မသိနားမလည်စွာနှင့်ပင် ဧကရီမိဖုရားကြီး ရာထူးသို့ ချီးမြှင့်ခံလိုက်ရပြီး၊ တခြားအရိပ်သက်တော်စောင့်များ၏ ဂုဏ်ပြုချီးမြင့်သံများအကြားမှပင် “ဇာမဏီတံဆိပ်တုံးကို” အူကြောင်ကြောင်နှင့် လက်ခံထားလိုက်ရသည်။

ရှောင်းဝေ့ရှင်းက မိခင်အတွက် ကလဲ့စားချေနိုင်ရန်နှင့် ထီးနန်းကို သိမ်းပိုက်နိုင်ရန်အတွက် နှစ်နှစ်ဆယ်လုံးလုံး နာမကျန်းဟန်ဆောင်နေကာ အစွမ်းအစများကို ဖုံးကွယ်ထား၍ သိုသိုသိပ်သိပ်သာ နေထိုင်နေခဲ့သူဖြစ်သည်။ သို့သော် တစ်နေ့ သူ့အနားမှ အရိပ်သက်တော်စောင့်လေး ပြုံးလိုက်လျှင် ချစ်ဖို့ကောင်းနေသည်ကို သတိထားမိသွားပြီး မြေခွေးအမြီးလေးက လှုပ်ယမ်းလာလေတော့၏။

ယိုရှုတစ်ယောက် အားမလိုအားမရ ဖြစ်နေခဲ့ကာ : “အရှင်၊ အရှင့်ရဲ့ ဇာတ်လိုက်မင်းသမီးက ဒုတိယဇာတ်လိုက်မင်းသမီးကို ရှက်ရွံ့ရွံ့လေး ပြုံးပြနေတာ တစ်ခုခုများ လွဲမနေဘူးလား။”

ရှောင်းဝေ့ရှင်း: အင်း။

ယိုရှု: ဇာတ်လိုက်မင်းသမီးနဲ့ ဒုတိယဇာတ်လိုက်မင်းသမီးတို့ရဲ့ အကူအညီမပါဘဲနဲ့ အရှင် ထီးနန်းကို ရနိုင်ပါ့မလား။

ရှောင်းဝေ့ရှင်း : အင်း

ယိုရှု: ဒီအစေခံက အရှင့်အတွက် စိုးရိမ်လို့ပါ…..

ရှောင်းဝေ့ရှင်း: မင်းက ဧကရီမိဖုရား ဖြစ်လာတော့မဲ့သူလေ။ စကားကို ဆင်ဆင်ခြင်ခြင် ပြောစမ်း။

ယိုရှု:…..

ဒီဇာတ်လိုက်ကတော့ တကယ်ကို ရူးသွားပြီ ထင်ပါရဲ့။

အရိပ်သက်တော်စောင့်များ: ဘဝမှာ ဒီလောက်အထိ ခမ်းနားတောက်ပနေတဲ့ အခိုက်အတန့်မျိုးကို တစ်ခါမှ မမြင်ခဲ့ဖူးဘူး။ ငါတို့ အရိပ်သက်တော်စောင့်တွေလည်း နွေဦးလို နွေးထွေးကြည်နူးဖို့ကောင်းတဲ့ အချစ်မျိုးနဲ့ ဆုံတွေ့နိုင်တာပဲဟ!

စာတစ်ကြောင်းတည်းဖြင့် အနှစ်ချုပ်ခြင်း - လမ်းကြောင်း သွေဖည်သွားခဲ့ပါလေသော အရိပ်သက်တော်စောင့်လေး၏ ရာထူးတိုးခရီးစဉ်။

***

Aurora Novel Translation Team