Name: သခင်လေးအတုက Sign-in စနစ်ကို သုံးပြီး နန်းတွင်းစာမေးပွဲ ဝင်ဖြေတော့မယ်
Author: .

Summary

...

Description

ကုချင်းယန်တစ်ယောက် 'အစစ်အမှန်သခင်လေးနဲ့ အတုအယောင်သခင်လေး' ဆိုသည့် ဝတ္ထုထဲသို့ 'အတုအယောင်သခင်လေး' အဖြစ် ကူးပြောင်းသွားခဲ့သည်။ သူက အစစ်အမှန်သခင်လေးအတွက် မရေမတွက်နိုင်သော လုပ်ကြံသတ်ဖြတ်မှုများနှင့် နောက်ကွယ်မှ လုပ်ကြံဖန်တီးမှုများစွာဆီကနေ ဒိုင်းကာတစ်ခုအနေဖြင့် ၁၅ နှစ်တိုင်တိုင် အသုံးချခံခဲ့ရပြီးနောက် အစစ်အမှန်သခင်လေးက ပြန်ရောက်လာခဲ့၏။ ယခု 'အတုအယောင်' ဖြစ်သည့် ကုချင်းယန်မှာ အသုံးမလိုတော့သည့်အတွက် တစ်ပြားတစ်ချပ်မှမပါဘဲ နှင်ထုတ်ခံခဲ့ရတော့သည်။

သူ့ဘဝက အနိမ့်ဆုံးအခြေအနေကို ရောက်ရှိနေချိန်မှာပင် ကုချင်းယန်တစ်ယောက် Sign-in System တစ်ခုကို အစပျိုးလိုက်မိသည်။

[သင် နန်းတွင်းစာမေးပွဲကမ္ဘာထဲ sign-in ဝင်ရောက်လိုက်ပါပြီ။ ရှိသည့်ဆု: လူသစ်များအတွက် လက်ဆောင်ထုပ်။]

[သင် နန်ရှန်းကျောင်းတော်ထဲ sign-in ဝင်ရောက်လိုက်ပါပြီ။ ရရှိသည့်ဆု: ကျမ်းဂန်လေးသွယ်၊ ဂန္တဝင်ငါးဖြာကို တတ်မြောက်ခြင်း။]

[သင် နန်းတွင်းဂိတ်တံခါးထဲ sign-in ဝင်ရောက်လိုက်ပါပြီ။ ရရှိသည့်ဆု: ဧကရာဇ်၏မျက်နှာသာပေးမှု (၁၀ ရက်စာ)]

ကုချင်းယန်: ငါက ငါးဆားနယ်လေးလိုပဲ လှဲနေချင်တာလေ၊ ဒီ system က ငါ့ကို ဘာမှမလုပ်ဘဲ လှဲနေရင်းတောင် အနိုင်ရအောင် ဖိအားပေးနေတော့တာပဲ။

[တင်! သင် ဖေ့ရွှမ်းအပေါ်မှာ sign-in ဝင်လိုက်ပါပြီ။ ရရှိသည့်ဆု: နှလုံးသားအပြည့် ချစ်ခြင်းမေတ္တာ။]

ကုချင်းယန်: ... နေပါဦး၊ ဘယ်လိုထူးဆန်းတဲ့ဟာကြီးက ရောပါလာရတာတုန်း။

***

Aurora Novel Translation Team